ساعات

عضو ذهبي https://soon.yoo7.com‏

‏·
ساعات بتعيش عشان ساكِت
وساكِت بس بتعاني..
وتِحلَم تبقى مع نفسَك
تروح روحَك مكان تاني!
وتشبط في الوجع مع ناس
مبتعيشي ولا بتبقى
تقول نمشي عشان مشيوا
تقول روحَك قوام لأه!
وتفضل ساحبة أنفاسَك
وتستناك تكون ميّت
تحاول تمشي من غيرها
عشان ناوية هنا تبيّت
ومخدوعه ومش حاسّه
ومش فاهمة الحياه لسّه
ومش عايشة صحيح حتى
ولا فاهمة تعيش ازّاي
ونفسَك تبقى يوم عادي
تعيش زي البَشَر نسّاي
لكن ممنوع بحكم الروح
ومش قادِر تكون حاضِر
ولا قادِر تكون غايِب
ومش عارِف تكون ماسِك
ولا عارِف تكون سايِب!
تعيش ميّت
تموت عايش!
‎‏

مشرف عام

» ساعات