ليه تكرهونا في الجواز؟!

بما ان الجواز وحش وكلكم بتحسدونا اننا لسه متجوزناش واننا ف احسن
 ايام حياتنا واتهنوا دلوقتي لان بعدين مافيش سعاده ولا هنا ولا فرحه 
وان الجواز مش زي ما في مخيلتناا 
ما تتطلقوا ياجماعه مستنين ايه يعني حاجه وحشه وقرف ومش
بتشوفو فيها يوم عدل متجوزين لي كل واحده تطلق وترجع حره زينا عشان متحسدناش !!! 

كلكم بتتكلمو ان الجواز متعب وقرف وان الرجاله نكد ومتعبين 
طب ماتتكلموا عن فرحتك اول يوم انكم بقيتم لبعض 
عن فرحتك وانتي بتستخدمي حاجاتك اللي اخترتيها كلها لاول مره 
اتكلمتو ان انك بتقفي تتعبي في المطبخ وهو ياكل زي البغل 
طب ماتتكلمي عن فرحتك لما الاكل يعجبه ويقوم واكله زي البغل بردو ! 
بتتكلموا ان الجواز نكد ومشاكل 
طب ما تتكلموا بردو عن فرحتكم لما جوزك يجي ياخدك في حضنه ويصالحك او يقولك كلمتين حلوين 

بتتكلموا ان متعب ومرهق ومعتش ف نوم زي زمان 
طب ماتتكلموا بردو عن ساعات الهزار والضحك وروقان البال وانتو سهرانين مع بعض 

بتتكلموا ان الحمل مرهق وكله تعب والله مصدقاكم
بس اتكلمي بردو عن احساسك ب اول مره النونو اتحرك ف بطنك ولهفتك 
تشوفيه واحساسك ب حركته بيفرحك ازاي 

بتتكلموا ان العيال تقرف ومطالبهم كتير ومافيش نوم 
طب  اتكلموا عن فررحتكم بيهم اول مره شوفتهم او لحظاتهم الاولي ف كل حاجه بتبقي
 عامله ازاي واول مره ينطقوا او يضحكو او يمشوا فيهاا 

بطلوا شغل محدثين النعم ده اللي كانهم بايرين ماصدقوا يتجووزوا ف نكره غيرنا ق الجواز
ونحسدهم كمان لا ونداري عليهم اننا مبسوطين احسن يحسدونا 

قسما بالله انتو ما عملتو الانجاز الفظيع يعني اللي يستاهل تفتكرونا قاعدين شغالين حسد
 فيكم ليل نهار ف عايزين تكرهونا ف الجواز 
الجواز مرحله زيها زي اي مرحله هنمر بيها زي ما انتو مريتو بيهاا وزي ما مكنتوش
 حابين حد يكرهكم فيها متعملوش كده معانا 

لان الجواز للو زفت زي ما بتوصلولنا كده كنتو اطلقتو من 
بدري ورميتو عيالكم لان مافيشش سبب يخليكم لسه متجوزين !
حسبي الله