إوعى تكون لساك مش عارف ؟إوعى تكون حيران أو خايف ؟
أيوه بحبك ... إيــه ... مش شايف ؟؟؟؟
لما جنانك يبقى ف عينى ..
دا عين العقل ...
و اما غيابك يجرح قلبى ..
و يقتِل قتل ...
و اما ف عز عنادى أجيلك ...
و اما ازعل منك و اشكيلك ..
و اما احكيلك ...
و أغنيلك ...
و القَى الصعب ف قُربك سهل ...
يبقى تسَمِى مشاعرى دى إيه ؟؟؟؟
لما أغِير من نفسى عليك ...
واتمنى رموشى تخبيك ...
من كل وشوشهم و كلامهم ...
و عيون ناس هايمين حواليك ..
لما ارسمنى ف حضن ملامحك ...
و تكون قاسى عليا و اسامحك ...
و افضَل خايفة ..
و تايهة ..
و حايرة ...
و اطمِن لحظة ما الاقيك ...
يبقى تسَمٌِى مشاعرى دى إيه ؟؟؟؟
لو تسألنى ....
هاقولك جداً ...
أيوه بحبك ...
جداً جداً ...
و انت معايا و لما بتبعد ...
قلبى يقرب منك جداً ...
و بتوحشنى كتييييييير ...
أوى .....
جــداً . 
