اه يا غلبى

عضو ذهبي https://soon.yoo7.com‏

اه يا غلبى اه يا مرارى ----------------
فاضحنى حبى مهما أدارى -------------
بيبان عليا ومش عارف اخبى --------------
وفاضحنى بسلامتو قلبى --------------
ومن غير ما أقول عرفوه قرايبى ------------
بيتغمزو عليا وبسلامتو جنبى --------------
ياللى فرحت فيا عدايه وحبايبى -------------
تعبت منك وقدرت انك تنفدلى صبرى ------------
حتى سلامك سلام طيارى --------------
اه يا غلبى اه يا مرارى ---------------
فاضحنى حبي مهما ادارى --------------
من بعيد يهل يبان ---------------- -
ابص عليه وافضل حيران ---------------
يوصل عندى اكون بردان --------------
يرفع عينو يصبنى جنان ------------
ويادوب يصبح بطرف لسان ------------------
أ سوخ وأدوخ وأروح عرقان -------------------
تقيد جتتى من شدة نارى --------------------
أه يا غلبى أه يا مرارى -------------
فاضحنى حبى مهما ادارى --------------
يمد ايدو عشان اسلم -------------
لا أعرف اسلم ولا اتكلم -----------------
يقول مالك ايه يا معلم ----------------
أبرق عنيه واقف مبلم -------------
وأ لحق نفسى بسرعه ارسم --------------
رسمة بسمه قال بتبسم -----------------
وازق لسانى عشان يتكلم ---------------- -
واقول احبك الاقيه يتلعثم -------------
أهم فنفسى كدا واتهمم -------------------
الاقى كلامى كلو معمم ---------------
يضحك كل اللى واقف جارى --------------
اه يا غلبى اه يا مرارى --------------
فاضحنى حبى مهما ادارى ----------------
لما ايدى تلمس ايدو ------------
أحس انى متكهرب -------------
وكأن قلبى يوم عيدو -------------
وفنفس الوقت أسيبو و أهرب ---------------
ولما عينى تيجى فعينو --------------
ريقى ينشف وعايز اشرب -------------
الاقى عيونو صافيه --------------
أبلع ريقى بالعافيه --------------
وأحس جتتى دافيه -------------

واضرب كف بكف -------------
جبت لنفسى الكفيه ------------
نار حبى تعبت من كتر انصهارى -------------
اه يا غلبى اه يا مرارى --------------
فاضحنى حبى مهما ادارى