قصيدة أيوه فطير بالإستعانه بقصيدة أيوه بغير لهشام الجخ. بس هتموت من الضحك

أيوه فطير..
لاهو بفتيك ولا حمام
ولا هو طاجن ولا برام
بس فطير..
وإلى قالولك بطن الراجل سكه لقلبه
خلق حمير
بطن الراجل.. ليها مراحل
حبه بحبه بتصبح كرش
وإحنا صعايده ما بنتهددش
شمسنا حاميه
وعرقنا حامى وطبعنا حامى
واللي تخلى صعيدى يحبها
يبقى يا غلبها
أصلنا ناس علي كد الطيبه
كلنا هيبه
والنسوان فـ بلادنا جواهر
طب لو عندك جوز قلقاس
راح تكليهم كده يا إيناس
ولا هتطبخى فته عليهم لجل الناس
يمكن حتى تقطعى ليهم جوزين أناناس
يبقى لنا سوسو ولنا نوسو
كل الفرق ما بينى وبينك إنى هريدى
يخرب بيت ابو دا اليوم الاكحل اللي لا ليه
اخر ولا اول
اللي طلعت لقتني هريدي
لو كان بايدي
كنت اسمي نفسي جعيدي
بس اذا اغير اسمي
هو انا مش مصري
ثم العبره ماهيش فى الاسم
اصل المشكله مش فى الاسم
اصل المشكله عندك عندك
قولت اسيبها وبكره تخس بعده تخس
دا انا لو ف محبس كنت طلعت
ماشي فاصوليا وماشي مربة تين
بس ماجتش علي الفطير
ماهى انواع الاكل كتير
وانا مابقلش تنسي التين
ولا علي طول نقضيها فطير
بس ياريت حبة تقدير
اني بحبك واني بريدك
وانك لازم تعملي الفطير بإيدك