الرصد عاوز ست ينام معاها طريقه للنصب والدجل

اولا : ما يقال عنهم مشايخ سفلى
وهؤلاء والعياذ بالله من باعو دينهم لعرض من الدنيا
وهذه بعض الدلائل عنهم
1 - ان يطلب منك بخورا معينا .
2 - ان يحمل كوب أوزجاجة من الماء يتحرك بحسب حركة الكوب او الزجاجة
3 - اذا بدأ بتلاوة كلام غير مفهوم.
4 - اذا احرق شيئا على مكان الدفين.
5 - اذا رش مساحيق غير معروفة.
6 - ان كان ييحمل تمائم وحجب وحروز
7 - اذا طلب منكم ان يختلي بنفسه ولوحده.
8- اذا فتح كفه وبدأ يتمتم او اذا احضر قران وبدأ يتمتم بكلام ليس بمسموع ولا مفهوم .
9- أن طلب منك د*** الحمام أو الذهاب للخلاء لقضاء حاجته قبل العمل
هذه بعض دلائلهم وعلى العموم طلباتهم هتلاقيها خارج نطاق الشرع وتصل امورهم لحد الاشراك بالله والكفر وطريقتهم ابهار الناس بما يجهلوه عن هذا العالم بان يسرد لك قصص انت عارف انه الموضوع صحيح ثم يبدأ النصب وتصل الامور الى سحر العين بشىء اسمه علم سيما وهو الخداع البصرى فترى الذهب رأى العين وطبعا انت مطمئن لأنك وصلت لهدفك فيبدأ بعرض طلباته والموضوع عشان يكمل لازم كذا وكذا وطبعا انت هتيديلو اللى هو عاوزه مانت خلاص وصلت للعاوزة والراجل مش نصاب وبعد ما يمشى علشان يجيب الطلبات تتفاجأ بحقيقة اللى انت شفته ودول ياباشا النصابين الأصلى
اما اللى كل تفكيرهم فى الاكل والشرب وشحن كروت المحمول وان المصلحة مش هتطلع الا بواحدة ست الرصد ينام معاها فدول الدرجة التانية من النصب
ثانيا : واما النوع الثانى من المشايخ فهو اللى معاه خدمة علوى ) الجن الصالح ( وساعات يتقال علية خدمتو قوية وده ممكن تلاقيه يصلى ويصوم ويقولك برضو حاجات انت بس اللى عارفها وده ممكن تلاقيه بيتكلم معاهم وبيقولهم روحو وتعالو
وده يا ساده ما يقال عنه انه معاشر وتختلف قدرتهم فى الموضوع ده وبرضو مش بيقدر يخلص حاجة وعند الموضوع ده يقع فريسة لكذب الجن سواء بينصب بالكلام ده أو هو برضو من المضحوك عليهم وتلاقيه يقولك هتلاقى كذا وبعد الحفر تلاقى اللى قال عليه لكن لما يدخل الموضوع فى الجد هتلاقيه يتوه ومش بعيد يقولك شوفلى شيخ اعمل معروف لانه فى الواقع ياساده استعان بالجن وما أكذبهم
لان الكذب سجية فيهم زى كده لما تقول الناس دى الطبع العام فيها كذا
ومن الناس اللى برضو بتشوف الاثار المسحور ) اللى معمول له عمل ( و اللى بيعمل عمل والى معاشر واحدة واللى فيه مس وفيه بعض الناس بيتقال عليها برجها هوائى وده لما بيمشى فى المواضيع دى تلاقى الرؤية مفيش أسهل منها وكتير غيرهم واللى واخد الموضوع ده لعب وبيتسلى وبعد ما تظهر البلاوى تلاقيه عاوز اللى يخلصه من الموضوع ده والبلاد مليانه بلاوى. ودايما اللى بيشوف بالطريقة دى هو شايف حاجة مش فى مكانها اصلا ومش بعيد تكون بره البلد لإن الجن هو اللى جايب الصورة دى
طيب مين هو الشيخ اللى بيخلص؟؟؟؟؟؟؟؟؟؟
الشيخ اللى بيخلص وده عرفته من الناس اللى حفيت فى مشاوير الأثار هو اللى معاه شىء اسمه ) إذن إستلام ( ومحدش بيوصل للحاجة دى الا بعد جهد وجهيد وده نوعين :
النوع الأول : السفلى شديد الكفر واللى له باع وسنين فى الموضوع ده ومعاملتة بتكون مع ملوك الجن وبينفذ ليهم طلباتهم والمعاملة معاهم زى التعابين فى المكر والخيانة
وده رغم ذلك نادر وقليل جدا ولو مشيت يا باشا معاهم تبقى ضيعت دينك ودنياك لانك برضو مش هتطول منه أبيض او اسود وهو بياخد كل حاجة ويكون سبب فى سوء الظن مابين الناس بعد مايمشى ومش بعيد مشاكل
النوع الثانى : هو راجل معاملته بالقران الكريم وفقط وده اللى بيفرض وجوده فى العالم ده وبيكون فى غالب الاحيان معالج بالقرأن والرقية الشرعية وعلى مدار الايام بتتفتح له الابواب فى موضوع الكنوز ولا يستخدم غير الأذكار والأوراد الشرعية وتكون المسألة هى قراءة ايات معينة لتنفيذ المطلوب
مثلا ايات للتحصين – ايات لتربيع المكان لعدم د*** العوارض – ايات للتعمية وذلك ان ماحدش ياخد باله من اللى بيحصل وغيرها من الايات
وده برضو نادر وقليل جدا
وده بس اللى تثق فية وحط ف بالك بعض الامور
1- كلمة معاه خدمة اصلا تعتبر استعانة بالجن
2- الشيخ المنشود اللى بيخلص مش بيمشى مع أى حد وخلاص لأنه بيصلى استخارة فى الناس اللى بيمشى معاها
غير كده ما تفكرش فى المشايخ نهائيا لانهم خارج نطاق كلمة شيخ
ودى مش معلومات مؤكده وانما رأى وعلى حسب معلوماتى قد أصيب وقد أخطىء
والله ولى التوفيق