و سلام مربع لبت مجدع وأدى التحيه

عضو ذهبي https://soon.yoo7.com‏

و سلام مربع لبت مجدع وأدى التحيه

----------
سبحانه أبدع مش هتلاقى أروع منها هى
--------------
ستات الدنيا نجوم بتلمع بس القمر مصريه
---------
ليها ملامح أعرفها من بين ألوف
--------
الرمش سارح وأنوارها تنور كهوف
------------
والوش فاتح ونضرها عيون تشوف -
----------
الصبح صابح مقدرها مللها الكفوف
--------------
خرز مسابح و تمر طارح و طير
سارح من امبارح عمال يطوف
-------------
يلف المطارح ويلملم مفارح ويطير
سارح على حسب الظروف
-------------
ويحط على كفها خيرات لمها ويقول
لها اتفضليها يا نور عنيه
------------
وسلام مربع لبت مجدع وأدى التحيه --------------
سبحانه أبدع مش هتلاقي أروع منها هى ------------
ستات الدنيا نجوم بتلمع بس القمر مصريه ----------
الاولى يا ناس فخفة الدم ------------
ولو جوزها منطاس وصايبو الهم ------------
تقولو خلاص ماتفرفش ياعم --------------
بلا وجع راس الناقص بكره يتم ----------
يابن الناس بالصبر الخير يعم -----------
وان فضل منطاس تتدلع و تقول يا سم ----------
تعدمنى لوما خدت من ايدى وكلت هم ----------
يضحك ويهزر ووشو ينور ويقول أشطه يا عم ------
تتبغدد وتتدور وتقول يا راجل عيب اتلم ------------
هقوم اعملك لقمه هنيه ماللى هى باديه -----------
وسلام مربع لبت مجدع وأدى التحيه ------------
سبحانه أبدع مش هتلاقى أروع منها هى ---------
ستات الدنيا نجوم بتلمع بس القمر مصريه ---------
المصريه مدرسه فتربية الولاد ------------
وفالمصروف مهندسه لا وزيرة اقتصاد ------------
وفلفكاكه كويسه وفالحساب فشر العداد -----------
وفالفرن مدمسه وفالسوق مغلسه تغلب رجاله شداد -----
ولما تبقى مفلسه تتصرف وتلاقى الخير زاد ----------
وفالطيبه طيبه أوى وبت اصول -----------
وكتفها فكتف جوزها تعول الهم عول ---------
وراجل فكلمتها تلاقيها قد القول -------------
ومش مسرفه وكل حاجه عندها بالمعقول -------------
وبتراعى ربنا فبيتها ----------
ويا بخت اللى تكون صحبتها ------------
تديها اللى فايدها قبل محبتها -------------
والراجل اللى داعيه عليه أمو ------------
يعاكس او يستخف دمو -------------
ان ما لمتوش الدنيا المصريه تلمو --------------
لات ثوانى تلاقى الناس عليع اتلمو -------------
أصل المصريه أصل الشرف ----------
متربيه عالغولب مش عالترف ------------
والتاريخ عبر سنينو بيها اعترف --------------
انها ريح لو عصف ------------
تقلعك من جدورك ----------
ويبقى ربنا لطف -------------
ولو نورت تبقى نحف -------------
ودلعها شبيه التحف ----------
وكلامها ورد وانقطف -----------
ولو ضحكت اكسلفون وعزف --------------
حاجه كده عاديه ومش عاديه ----------------
وسلام مربع لبت مجدع وأدى التحيه ---------------
سبحانه أبدع مش هتلاقى أروع منها هى ----------
ستات الدنيا نجوم بتلمع

» دوله علمها علي شكل مربع