نظرات الامل


 
الرئيسيةالرئيسية  المنشوراتالمنشورات  البوابه 1البوابه 1  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  صفحتناصفحتنا  دخولدخول  

إرسال موضوع جديد   إرسال مساهمة في موضوع
شاطر | 
 

 انا من قلبي جايلك متمرمط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طه محمد
عضو ذهبي
عضو ذهبي
avatar

النوع : ذكر
الموقع http://soon.yoo7.com‏

مُساهمةموضوع: انا من قلبي جايلك متمرمط   الجمعة 21 مارس 2014, 12:05 am

أنا من قبلى
جايلك متمرمط فى طينك مع نيلك)أنا من قبلى(
جايلك بالجلابيه والعمه والعصا والشال
فالجلابيه هيبتى
وفالعمه طيبتى
وفالعصا عصبيتى
وفالشال همومى
أصل دى هدومى يا أمى )يالى نيلك بيجرى فدمى(
جايلك مكافح وعلى جبينى المرار طافح
تعبت من ظلمك ومن ألمك وبرضه ساكت مبتكلمش لأنك)امى ونيلك بيجرى فدمى(
ياأمى قبلى ناس تعبانه وفالغربه طفشانه علشان مفكرتيش فى يوم تزقيها كبايه هنا لأنها عطشانه
يا أمى بينى وبينك مسافات قولتيلى القطر بيقرب الخطوات بس يا أمى القطر اللى بيعدى مبيعديش من سكات
يا أمى انا هحكيلك ومتقوليش حكايات
جدى مات وبنالك السدالعالى علشانك
وأبويا أتحرق فى قطر العيد ومن سعتها ما لبستش لبس جديد
وأخويا أتقتل على الحدود يارب أحتسبه عندك شهيد
وأبنى راح ضحيه مدرسته ودمه لسه قاعد على كراسته
أنا مش بشكيلك أنا عايز حقى يرجع ويتكتب فى كتبك وكشاكيلك
علشان الكل يعرف مين هوه العايش قبلى
ناديتلك من قبلى كتير علشان خاطر التغيير ياترى كنتى سمعانى ولاسامعه ومطنشانى
شاركنا فى الثوره علشانك وأنتى عامله مش واخده بالك
والشاهد على ذلك دم أولادنا لسه فى ميدانك
أحنا اللى نجحنا رئيسك ودستورك خايف يا أمى اخويا يعملنى كبرى لعبورك
يا أمى قبلى ناس من مواصفتها العدات والتقاليد وكلها أصلى مش تقليد
يا أمى الرجوله والأخلاق والأدب والكرم هما دول الهرم بتاع قبلى
يا أمى قبلى تعليم ومستشفيات وحكومه وسكه وطرق مفيش يا ريت يا أمى متعيطيش
أصل بقالك سنين وسنين ما أخدتنيش فى حضنك ومشوفتنيش
يأمى أنا حكيتلك جزءصغير من الحاصل قبلى ورغم كل ده عمرى ما نسيت انك)أمى ونيلك لسه بيجرى فدمى(
أنا عارف أنك دلوقتى أتأكدتى أنى أنا فعلا)أنا من قبلى(
شاعر الجنوب /رامى أبو عزب


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://soon.yoo7.com
 
انا من قلبي جايلك متمرمط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
نظرات الامل :: ‎الأدب والكتابه‎ :: قسم الشعر-
إرسال موضوع جديد   إرسال مساهمة في موضوعانتقل الى: