نظرة أمل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نظرة أمل


 
الرئيسيةالأحداثالبوابه 1المنشوراتس .و .جبحـثأحدث الصورالمجموعاتالتسجيلدخول

 

 فمتزعليش لهشام الجخ

اذهب الى الأسفل 
كاتب الموضوعرسالة
الحزينه
عضو مميز
عضو مميز
الحزينه



فمتزعليش لهشام الجخ Empty
مُساهمةموضوع: فمتزعليش لهشام الجخ   فمتزعليش لهشام الجخ Emptyالجمعة 05 أبريل 2013, 1:56 pm

متزعليش لو يوم قالولك إنه مش باين عليه أثر الفراق

وإنه مش بيجيب في سيرتك وإنه عادي
لا بان عليه أثر الفراق ولا فيه ألم ولا فيه اشتياق

حجاش قصيده كتبها فيكي
هي دي اللي طلعتي بيها
أما هو خلاص نسيكي
عادته ولا هيشتريها
وإحنا قولنالك زمان مبتسمعيش
فمتزعليش

ثم هو مكنش نقوه
كان بيتأخر عليكي بالساعات
وكان مفلس
وشكله يعني مكانش هو
كل أصحابك عابوه
أهو غار في داهيه
وبكره يركع تحت رجلك سيد ابوه
بس يمكن كان حنين حبتين
هما بس حبتين
كان برضه بيسخف عليكي
كنتي فين ؟
ورايحه فين ؟
وجايه منين ؟
بس كان بيبان عليه
لما اسمك ييجي في الكلام
تلمع عليه
بس برضه كان سخيف
مكنش بيقدر ظروفك
كام مره قولتي مستحيل ويصر برضه إنه يشوفك
ومتزعليش
من قساوة الدنيا وعنادها العجيب
أنا كنت فاكر نفسي اقوي من النصيب
وكنت بتريق علي اللي مكملوش
مين كان يقول إن النهايه تكونفاشوش ؟؟
أنا لسه فاكر وقفتك وسط البنات
فاكر هدومك وابتسامتك والكلام
حتي السكات
لو كان فراقنا صحي فيكي كام وجع
أنا كل ليله بتدبح من الذكريات
أنا عندي ركن بحط فيه كل الحاجات
كل القصايد والألم
كل البنات
جيت اركنك جواه ... رفض
ومكافاكيش
فمتزعليش
وإن جم قالولك إنه مش باين عليه اثر الفراق
متصدقيش
أنا لما ثبتك ... كل حاجه اتغيرت
ريحة الشوارع والدكاكين القديمه والبيوت
كإني ببدأ من جديد رحلة حياتي
أو بموت
حسيت كإني نهيت حياتي ... خنقتها
أنا كنت متخانق معاكي وقتها
مكنتش اقصد أقولك امشي مترجعيش
بس أنتي كنتي صغيره .... مفهمتيش
الطبع غلاب وأنتي عارفه
كنتي لازم تعذريني
معرفتش اترجاكي وأنتي بتدبحيني
ربونا ع الهيبه
وع الحب بقيامه
وإن لما البت تتقل يوم عليك .... بالسلامه
صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنهكان كداب معاكي محبكيش
وإن جم قالولك إنه مش باين عليه أثر الفراق
متصدقيش
الرجوع الى أعلى الصفحة اذهب الى الأسفل
https://soon.yoo7.com
 
فمتزعليش لهشام الجخ
الرجوع الى أعلى الصفحة 
صفحة 1 من اصل 1
 مواضيع مماثلة
-
» حظك كدا لهشام الجخ
» مش طبيعى لهشام الجخ
» نَادِيَّةُ لهشام الجخ

صلاحيات هذا المنتدى:لاتستطيع الرد على المواضيع في هذا المنتدى
نظرة أمل :: ‎الأدب والكتابه‎ :: قسم الشعر-
انتقل الى: