بنت الناس والوغد!

عضو ذهبي https://soon.yoo7.com‏

كلمة بنسمعها كتير حاسب دى بنت ناس ......
ياعم دى جميلة جدا ييعنى هتبصلى انا
لا يا بنتى دا ابن ناس اكيد باين مش شايفه لابسه ونظارته
لالالا تعالى هنا انت وهى مفيش حاجه اصلا اسمها بنت او ابن ناس ثم ... تفتكر لو ابن الناس بالفلوس او المركز الاجتماعى
✔✔✔✔✔✔✔✔✔
فى بعض الشباب بتستغل البنت الى معاها فلوس بيوهما الحب وكداياخد غرضه ويخلع ؟ او برضه البنت بتستغل لو كان الشاب معه فلوس
اصحى يا معلم مفيش حاجه اسمها ابن ناس فى بنات من عائلات غنية ووسط اجتماعى مرموق وبتضربممنوعات والعكس صحيح
لو تبص للقدامك اوعى تبص لشكلة او معاه كام فى جيبة .... ولا لابس ايه ؟
✈✈✈✈✈✈✈✈
بس دا انتم عرفينه اما انت كاتب دا ليه يا عم ؟؟؟
هقولك متستعجلش انا النهاردة عايز اكلم عن البنت الجامده ال شوف بقا اى وصف بتقوله ؟؟؟
تفتكر البنت دى عندها اصحاب كتير و تعرف اجمد شاب ومتشفرة والكلام دا ؟؟؟ سورى بقا دا انت محتاج تغير تفكير كلها
بعض اصدقائى البنات الى بيقولو عليهم (( بنت ناس ))) الكلمه الى بتعصبنى دى المهم دول بيعانو من عدم وجود اصحاب
الشباب والبنات كمان بتخاف تكلمها قال ايه بنت ناس وهتبصلى ليه دى اكيد عندها اصحاب كتر فحت ؟؟؟؟
والبنت تبص فى المريا تلاقى نفسها ماشاء الله وتستغرب ان ملهاش اصحاب ولو ليها يبقى علشان شكلها فقط ؟
دى كانت بنت الناس نيجى بقا لل
الوغد
الوغد دا الشاب الانتهازى الى بيعرف دى علشان مصلحة يا فلوس او تذاكر له او يتمنظر بيها
تعالو نتكلم بصراحة عااادى احناشباب ومش هنتكسف من بعض ^_^
الشخص الوغد دا بيكون غالبا بيعيش دور البطل الى بيكافح او ابن الناس الى بيصرف ويضحى وبيستغل انالبنت دى ملهاش اصحاب كتير
يدهل عليها ويتعامل معها اكنها بنت عادية هى تحس انه كمان مميز اوباااااااااااااااااا البنت جيت رجلها ؟
ومن هنا يبدا الوغد فرض نفسه ويبان مع الوقت على حقيقته بس بعدايه بعد ما يكسر فى البنت دى الحاجه الجميلة الى جوها
بص سيبها بظروفها ومتفكرش الى قدامك دا شكله ايه او فى جيبه كام عامل الناس بقيمتهم الحقيقية
وهى شخصيتهم من جوه شكلها ايه؟؟
لما تتعامل مع بنت اتعامل معاها ىعادى اكنها ولد بلاش ازمة التعليم الى كان بيفصل البنت و الولد يطلع فى الكلية همه الوحيد انه يتعرف على اكبر قدر من البنات
اما البنت فلما تتعامل مع الشابتحصر ليطلع ( وغد ) البنت لما تحب مش بتفكر ودى مصيبه البنت بتفكربقلبها اكتر هترد واحده بلسان طويل دلوقتى تقولى لا ياعم حمزاوى انا اصلا عقلى كبير و يوزن بلد
ماشى ياستى انتى جامده دبابات وكل حاجه ساعه الحب بيتعمى النظر مش بيبان الوغد من الراجل الى بجد
وخلاصة الرغى دا من الاخر
مفيش حاجه اسمها دا ابن ناس ودى بنت ناس
ابن الناس الى بجد دا الى شخصيته ممتازة ولسانه حلو مع الناس و الشخص الكريم الجدع الشهم
دا هو ابن الناس مش كل الى بيكتب فرنكو و شايل بلاك بيرى و عندو عربيه وساكن فى منطقه راقيه خلاص بقى ابن ناس
واشوفكم على خير فى مرة تانيه بس استنا رايح فين اخدت غرضك وماشى سيب لايك او اشترك معانا علشان اعرف انك نورتنا
وافتكر بكرا احلى بيك انت

عضو ذهبي https://soon.yoo7.com‏

» الناس
» المرء يعرف بين الناس بافعاله
» ازاي تخلي الناس تحترمك